مشرقِ وسطیٰ میں جنگی صورتحال: ٹی ٹوئنٹی ورلڈ کپ کی ٹیمیں بھارت میں محصور

ایران اور اسرائیل کے درمیان جاری جنگ کے باعث بین الاقوامی فضائی آپریشنز بری طرح متاثر ہوئے ہیں، جس کا اثر بھارت میں جاری ٹی ٹوئنٹی ورلڈ کپ پر بھی پڑا ہے۔ ٹورنامنٹ سے فارغ ہونے والی ٹیموں، خصوصاً ویسٹ انڈیز اور زمبابوے کو وطن واپسی کے لیے محفوظ فضائی راستوں کی تلاش میں شدید دشواری کا سامنا ہے۔ زمبابوے کرکٹ بورڈ کے مطابق ان کے اسکواڈ کو براستہ دبئی وطن واپس جانا تھا، لیکن مشرقِ وسطیٰ کے ٹرانزٹ روٹس بند ہونے کے باعث پروازیں معطل ہیں۔ کھلاڑیوں کی واپسی میں تاخیر نے ٹیم مینجمنٹ اور بورڈز کی تشویش میں اضافہ کر دیا ہے