سڈنی میراتھون ایتھوپیا کے ایڈیسو گوبینا نے جیت لی

سڈنی میراتھون میں ایتھوپیا کے ایڈیسو گوبینا نے شاندار کارکردگی کا مظاہرہ کرتے ہوئے 2 گھنٹے 4 منٹ اور 42 سیکنڈ میں فاصلہ طے کر کے کامیابی اپنے نام کر لی، جبکہ خواتین کے مقابلے میں کینیا کی پیریز نے 2 گھنٹے 18 منٹ 31 سیکنڈز کے ساتھ پہلی پوزیشن حاصل کی۔ دنیا بھر سے 40 ہزار سے زائد رنرز میں 30 سے زائد پاکستانی اور پاکستانی نژاد کھلاڑی بھی شامل تھے۔ پاکستانی رنرز میں دانش الہٰی 3 گھنٹے 29 منٹ 7 سیکنڈ کی ٹائمنگ کے ساتھ سب سے تیز رہے، جبکہ ویمنز کیٹیگری میں ڈاکٹر رابعہ نعیم 3 گھنٹے 52 منٹ 25 سیکنڈ کے ساتھ تیز ترین پاکستانی خاتون ثابت ہوئیں۔ معروف صحافی فیضان لاکھانی نے بھی میراتھون مکمل کی، جبکہ پاکستان میں سابق برطانوی ڈپٹی ہائی کمشنر مائک نیتھاویریاناکس نے بھی ایونٹ میں شرکت کر کے پاکستان میں اسکولوں کی تعمیر کے لیے فنڈز جمع کیے۔