پہلا ٹی ٹوئٹی: سری لنکا ویمن ٹیم نے پاکستان کو 6 وکٹوں سے شکست دیدی

سری لنکا کے خلاف تین میچوں پر مشتمل ٹی ٹوئنٹی (T20) سیریز کے پہلے میچ میں پاکستان ویمن کرکٹ ٹیم کو 06 وکٹوں سے شکست کا سامنا کرنا پڑا ہے۔ پاکستان ویمن ٹیم نے پہلے بیٹنگ کرتے ہوئے شوال ذوالفقار کے شاندار 63 رنز کی بدولت مقررہ اوورز میں 176 رنز کا ہدف قائم کیا۔ جواب میں میزبان سری لنکن ٹیم نے امیشا دولانی کی 101 رنز کی بہترین سنچری اننگز کی بدولت مطلوبہ ہدف صرف 04 وکٹوں کے نقصان پر باآسانی حاصل کر لیا۔ اس فتح کے ساتھ ہی سری لنکا ویمن ٹیم کو 03 میچوں کی سیریز میں 1-0 کی برتری حاصل ہو گئی ہے۔