ہوٹل کے باتھ روم میں خاتون کی ویڈیو بنانے کا الزام، 2 سری لنکن کرکٹرز گرفتار

کولمبو کے علاقے ناراہین پیتا کے ایک ہوٹل میں مقیم سری لنکا کی انڈر 19 کرکٹ ٹیم کے دو کھلاڑیوں کو خواتین کی باتھ روم میں خفیہ ویڈیوز بنانے کے الزام میں گرفتار کر لیا گیا ہے۔ ہوٹل میں مقیم خواتین نے شکایت کی تھی کہ انہیں نہاتے ہوئے موبائل فون کے ذریعے خفیہ طور پر فلمایا جا رہا ہے۔ پولیس نے فوری کارروائی کرتے ہوئے دونوں کھلاڑیوں کو حراست میں لیا، تاہم بعد ازاں انہیں 5 لاکھ سری لنکن روپے کے مچلکوں پر ضمانت پر رہا کر دیا گیا۔ پولیس اس پہلو پر بھی تحقیقات کر رہی ہے کہ آیا یہ نازیبا ویڈیوز سوشل میڈیا یا کسی آن لائن پلیٹ فارم پر شیئر تو نہیں کی گئیں۔ عدالت نے کیس کی اگلی سماعت 25 مئی کو مقرر کی ہے۔