ٹی20 ورلڈکپ: سری لنکا نے آئرلینڈ کو 20 رنز سے شکست دے دی

کولمبو: آئی سی سی ٹی ٹوئنٹی ورلڈ کپ 2026 کے چھٹے میچ میں سری لنکا نے آئرلینڈ کو 20 رنز سے شکست دے دی۔ میچ میں پہلے بیٹنگ کرتے ہوئے سری لنکا نے 6 وکٹ پر 163 رنز بنائے، جہاں کوشال مینڈس نے ناقابلِ شکست 56 اور کامندو مینڈس نے جارحانہ 44 رنز کی اننگز کھیلی۔

آئرلینڈ نے اچھا آغاز کیا، مگر زخمی ہسارنگا نے تین اہم وکٹیں حاصل کر کے میچ کا پانسہ پلٹا۔ تھیکشانا نے بھی عمدہ بولنگ کرتے ہوئے تین کھلاڑی آؤٹ کیے۔ آئرلینڈ 143 رنز پر 19.5 اوورز میں آؤٹ ہو گیا، اور ہدف حاصل کرنے میں ناکام رہا۔

اس شکست کے ساتھ آئرلینڈ نے ایک سنہری موقع گنوا دیا، جبکہ سری لنکا نے قیمتی فتح اپنے نام کی۔
اس سے قبل چنئی میں نیوزی لینڈ نے افغانستان کو پانچ وکٹ سے ہرایا، جہاں کیوی ٹیم نے 182 رنز کے ہدف کو پانچ وکٹ پر حاصل کر لیا۔