مراکش سے ہزاروں افراد سپین کی سرحد عبور کر گئے، 9 ہلاک

شمالی افریقہ میں واقع اسپین کے خودمختار علاقے سیوٹا (Ceuta) میں مراکش سے ہزاروں غیر قانونی تارکینِ وطن کی اچانک آمد کے بعد مقامی حکومت نے انسانی اور سماجی ہنگامی حالت کا اعلان کر دیا ہے۔ بہتر مستقبل اور یورپ میں پناہ کی تلاش میں بحری و زمینی راستے سے سرحد عبور کرنے کی کوشش کے دوران 9 افراد جاں بحق ہو گئے۔ سیوٹا حکومت کے مطابق گزشتہ 10 روز کے دوران 1,500 سے 2,000 کے قریب مہاجرین سرحد عبور کر کے داخل ہوئے، جس پر سیوٹا کے صدر جیسس ویواس نے ہسپانوی حکومت سے فوج کی تعیناتی کا مطالبہ کیا۔ اگرچہ ہسپانوی وزارتِ داخلہ نے قومی ایمرجنسی کا مطالبہ مسترد کر دیا، تاہم سرحدی نگہبانی اور صورتِ حال کو قابو میں لانے کے لیے 60 فوجیوں کی فوری تعیناتی کا اعلان کر دیا ہے۔