میٹھے پر سجاوٹ کیلئے چیونٹیوں کا استعمال ریسٹورنٹ مالک کو مہنگا پڑگیا

جنوبی کوریا میں ایک معروف ریسٹورنٹ کے مالک کے خلاف میٹھے پکوانوں کی سجاوٹ کے لیے غیر قانونی طور پر چیونٹیاں استعمال کرنے پر مقدمہ درج کر لیا گیا ہے۔ استغاثہ نے عدالت سے ملزم کو 1 سال قید اور 13,510 امریکی ڈالرز جرمانے کی سزا دینے کی استدعا کی ہے۔ تفتیشی حکام کے مطابق گزشتہ 4 سال کے دوران امریکا اور تھائی لینڈ سے درآمد کی گئی 49,000 سے زائد چیونٹیاں مختلف ڈشز میں استعمال کی گئیں۔ چونکہ جنوبی کوریا کے غذائی قوانین کے تحت چیونٹیاں خوراک کے لیے منظور شدہ 10 کیڑوں کی فہرست میں شامل نہیں ہیں، اس لیے یہ کارروائی عمل میں لائی گئی ہے۔ عدالت اس کیس کا حتمی فیصلہ 2 ستمبر کو سنائے گی۔