’معاف کرنا میں نشے میں تھا‘ چور نے سٹور کی ساری چیزیں واپس کر دیں

امریکی ریاست نیوجرسی میں ایک دلچسپ واقعہ پیش آیا جہاں ایک چور نے نشے کی حالت میں گٹار اسٹور سے چوری کی گئی قیمتی اشیاء واپس کرتے ہوئے معافی نامہ بھی چھوڑ دیا۔

غیر ملکی خبر رساں ادارے کے مطابق چور نے دو مینڈولین (چھوٹے لیوٹ نما موسیقی کے آلات) چوری کیے تھے، تاہم کچھ دن بعد وہ دوبارہ اسٹور آیا اور سی سی ٹی وی فوٹیج میں دیکھا گیا کہ اس نے خاموشی سے سامنے کا دروازہ کھولا، دو شاپنگ بیگز میں تمام سامان رکھا اور ایک ہاتھ سے لکھا ہوا معافی نامہ چھوڑ کر فرار ہو گیا۔اسٹور کے مالک لیوائن نے فیس بک پر بتایا کہ سامان واپس مل گیا ہے اور چوری کی ویڈیو وائرل کرنے میں مدد دینے پر سب کا شکریہ ادا کیا۔ ان کے مطابق چور نے واپسی سے قبل یہ وجہ لکھی کہ وہ نشے میں تھا۔

معافی نامے میں درج تھا:
“معذرت، میں نشے میں تھا۔ میری کرسمس، تم اچھے آدمی ہو۔”لیوائن نے بتایا کہ جب انہوں نے چور کو بھاگتے دیکھا تو لوگوں کو آواز دی اور تعاقب کی کوشش کی، تاہم وہ فرار ہو گیا، جس کے بعد پولیس کو اطلاع دی گئی۔چوری کیے گئے دونوں مینڈولین کی مجموعی مالیت تقریباً 7,750 ڈالر (یعنی 7 لاکھ روپے سے زائد) بتائی جا رہی ہے۔ اسٹور کے مالک کے مطابق سامان کی واپسی کسی فلمی منظر سے کم نہیں تھی