ورلڈ تائیکوانڈو پریزیڈنٹ کپ، پاکستان کے شاہ زیب خان نے کانسی کا تمغہ جیت لیا

ورلڈ تائیکوانڈو پریزیڈنٹ کپ (ایشین ریجن) The Nation کے چوتھے روز سینئر کیوروگی کی مزید چار کیٹیگریز کے فائنل مقابلے مکمل ہو گئے۔ ان مقابلوں میں پاکستان کے شاہ زیب خان نے شاندار کھیل کا مظاہرہ کرتے ہوئے منفی 54 کلوگرام کیٹیگری میں کانسی (برانز) کا تمغہ حاصل کیا। مردوں کی منفی 54 کلوگرام کیٹیگری میں جنوبی کوریا کے سی او ایونسو نے گولڈ اور لی ڈونگ گن نے سلور میڈل جیتا، جبکہ پاکستان کے شاہ زیب خان اور اردن کے الداؤد جعفر نے برانز میڈلز اپنے نام کیے۔

خواتین کے مقابلے میں منفی 46 کلوگرام کیٹیگری میں جنوبی کوریا کی ہا من سیو نے گولڈ اور تھائی لینڈ کی سیکن کامونچانوک نے سلور میڈل حاصل کیا، جبکہ جاپان کی اوکازاکی ہیناتا اور ایران کی کریمی راجہردی سائنہ نے برانز میڈل جیتا۔ علاوہ ازیں، خواتین کی پلس 57 کلوگرام کیٹیگری میں جنوبی کوریا کی کم یوجن نے گولڈ اور اردن کی فادیہ نے سلور میڈل حاصل کیا جبکہ ازبکستان کی مدینہ مربزل اور ایران کی ناہید برانز میڈل کی حقدار ٹھہریں۔ مردوں کی پلس 68 کلوگرام کیٹیگری میں ایران کے دانیال نے گولڈ، ازبکستان کے شوقی جاگون نے سلور، اور جنوبی کوریا کے جنو من اور روس کے قازبلٹ نے برانز میڈلز اپنے نام کیے۔