کراچی کی حالت دیکھ کر شرمندگی محسوس ہوتی ہے: شاہد آفریدی

پاکستان کرکٹ ٹیم کے سابق کپتان شاہد آفریدی نے کراچی کی خراب بنیادی ڈھانچے اور صفائی ستھرائی کی بگڑتی ہوئی صورتحال پر گہری تشویش اور مایوسی کا اظہار کیا ہے۔ کراچی کی ابتر صورتحال کی وجہ سے اپنے اہل خانہ کے ہمراہ اسلام آباد منتقل ہونے والے سابق کرکٹر نے کئی ماہ کے وقفے کے بعد شہر کے دورے کے موقع پر گفتگو کرتے ہوئے کہا کہ کراچی اربوں روپے کا کاروبار اور لاکھوں لوگوں کو روزگار فراہم کرتا ہے، لیکن کورنگی، سائیٹ ایریا اور یونیورسٹی روڈ جیسے اہم علاقوں کی ابتر حالت دیکھ کر شرمندگی محسوس ہوتی ہے۔ انہوں نے افسوس ظاہر کیا کہ سالوں بعد بھی شہر کی صورتحال میں کوئی بہتری نہیں آئی اور حکام سے اپیل کی کہ وہ کراچی میں ترقیاتی کاموں پر فوری توجہ دیں۔