پاکستان کی موجودہ ٹیسٹ ٹیم گزشتہ 50 برس کی بدترین ٹیم قرار

معروف برطانوی کرکٹ صحافی اسکیلد بیری نے انگلینڈ کے خلاف حالیہ سیریز میں قومی ٹیم کی مایوس کن کارکردگی پر سخت تنقید کرتے ہوئے موجودہ پاکستانی ٹیسٹ سکواڈ کو گزشتہ 50 سال کی بدترین ٹیم قرار دے دیا ہے۔ برطانوی اخبار میں اپنے تجزیے میں انہوں نے کہا کہ پاکستانی ٹیم بیٹنگ، باؤلنگ اور فیلڈنگ تینوں شعبوں میں انتہائی کمزور دکھائی دے رہی ہے اور انگلش ٹیم کے سامنے ڈھیلی بیٹنگ، کم رفتار باؤلنگ اور ناقص فیلڈنگ کا مظاہرہ کر رہی ہے۔ بیری کے اس تبصرے کو کرکٹ حلقوں اور سوشل میڈیا پر شدید پذیرائی ملی، جبکہ بھارتی کرکٹر اجے جڈیجا سمیت کئی دیگر سابق کھلاڑیوں نے بھی اس بیان کو شیئر کرتے ہوئے پاکستان کے مجموعی کرکٹ نظام اور سلیکشن پر سوالات اٹھائے ہیں۔