78 سالہ سکاٹش خاتون کا فورٹ نائٹ سٹریمنگ میں عالمی ریکارڈ

سکاٹ لینڈ سے تعلق رکھنے والی 78 سالہ خاتون گیمر کیتھ بووی نے عالمی شہرت یافتہ ویڈیو گیم ‘فورٹ نائٹ’ کی معمر ترین خاتون اسٹریمر ہونے کا گینیز ورلڈ ریکارڈ اپنے نام کر لیا ہے۔ کیتھ بووی آن لائن اسٹریمنگ پلیٹ فارم ‘ٹوئچ’ (Twitch) پر گزشتہ 9 برس سے اپنے اکاؤنٹ “grumpygran48” کے نام سے مسلسل لائیو گیمنگ سیشنز کا انعقاد کر رہی ہیں۔ انہوں نے پہلی بار 2017ء میں اپنے پوتے کو فورٹ نائٹ کھیلتے دیکھا، جس کے بعد وہ اس گیم کی مداح بن گئیں اور اسے باقاعدگی سے کھیلنا شروع کیا۔

گینیز ورلڈ ریکارڈز سے گفتگو کرتے ہوئے 78 سالہ اسٹریمر نے بتایا کہ تقریباً ایک دہائی کا عرصہ گزرنے کے باوجود ان کی گیمنگ کے لیے دلچسپی اور جنون میں کوئی کمی نہیں آئی۔ کیتھ بووی نے بتایا کہ انہوں نے کئی دیگر ویڈیو گیمز بھی آزمائیں، مگر فورٹ نائٹ جیسی کشش کسی اور میں محسوس نہیں ہوئی۔ ان کا کہنا تھا کہ وہ خود کو محض گیمر کہنے کے بجائے “فورٹ نائٹر” (Fortniter) کہلوانا پسند کرتی ہیں اور ثابت کرتی ہیں کہ عمر محض ایک عدد ہے جو آپ کے شائقین اور شوق کی راہ میں کبھی رکاوٹ نہیں بن سکتی۔