بھارت کےخلاف میچ پر حکومتی فیصلے کا احترام کرتے ہیں،سلمان علی آغا

قومی کرکٹ ٹیم کےکپتان سلمان علی آغا نے کہا ہےکہ بنگلہ دیش کی ٹیم کا ورلڈکپ میں نہ ہونا افسوس ناک ہے۔ بھارت کے خلاف میچ سے متعلق فیصلہ حکومت نےکرنا ہے اور ہم حکومت کے فیصلے کا احترام کرتے ہیں۔

کولمبو میں کپتانوں کی پریس کانفرنس میں سلمان علی آغا نے کہا بھارت کے ساتھ میچ ہوگا یا نہیں اس کا اندازہ نہیں، جو حکومت کہے گی اس کے مطابق ہی چلیں گے۔

سلمان علی آغا کا کہنا تھا کہ ہم ایشیاکپ کے بعد سے اچھا کھیل پیش کررہے ہیں،گزشتہ  6 ماہ سےاچھی کرکٹ کھیل رہے ہیں، اس مرتبہ ٹیم اچھا کھیل رہی ہے، امید ہے اچھی کارکردگی دکھائیں گے

قومی کپتان نے  کہاکہ سری لنکا میرے دوسرے گھر کی طرح ہے اور لوگ بہت اچھےاخلاق والے ہیں۔ ، ہم اچھی کرکٹ کھیلنے کی کوشش کریں گے ۔نیدر لینڈز کے خلاف میچ کی اچھی تیاری کررہے ہیں۔