روس میں سخالین جزیرے کے آسمان پر دو سورج نمودار، شہری دنگ رہ گئے

روس کے جزیرے سخالین میں شہری ایک غیر معمولی منظر دیکھ کر حیران رہ گئے جب آسمان پر بیک وقت دو سورج نمودار ہوئے۔ مقامی لوگوں نے دلفریب منظر کو کیمرے میں محفوظ کیا اور سوشل میڈیا پر بھی شیئر کیا۔

ماہرین کے مطابق یہ حقیقت میں دو سورج نہیں بلکہ شدید سردی کی وجہ سے فضا میں بننے والے برف کے کرسٹلز کا عکس تھا، جس کی وجہ سے ایک سورج بیک وقت دو جگہ طلوع ہوتا نظر آیا۔

جزیرے سخالین میں درجہ حرارت منفی 14 ڈگری سینٹی گریڈ ریکارڈ کیا گیا، اور امکان ظاہر کیا گیا کہ رات کے دوران پارہ منفی 23 ڈگری تک گر سکتا ہے۔ غیر ملکی میڈیا نے اس نایاب منظر کو ‘سن ڈوگ’ قرار دیا ہے، جو سرد موسم میں سورج کے روشنی کے پرکشش انعکاس کو ظاہر کرتا ہے۔