صائم ایوب پی ایس ایل کے سب سے مہنگے لوکل کھلاڑی بن گئے، حیدرآباد ٹیم نے 12.6 کروڑ روپے میں ریٹین کیا

کراچی / پاکستان: دنیا کے نمبر ون آل راؤنڈر صائم ایوب پاکستان سپر لیگ (پی ایس ایل) کی تاریخ کے سب سے مہنگے لوکل کھلاڑی بن گئے۔

حیدرآباد ٹیم نے انہیں بارہ کروڑ ساٹھ لاکھ روپے میں ریٹین کیا، جس کا معاوضہ بابراعظم، شاہین آفریدی اور شاداب خان سے بھی زیادہ ہے۔

حیدرآباد نے اپنی ٹیم میں مزید محمد عثمان، معاذ صداقت اور عاکف جاوید کو شامل کیا۔ دوسری جانب سیالکوٹ اسٹالینز نے محمد نواز، سلمان مرزا، احمد دانیال اور سعد مسعود کو اپنی ٹیم کا حصہ بنایا۔

پی ایس ایل الیون کے لیے کھلاڑیوں کی نیلامی کی تقریب 11 فروری کو ہوگی، جہاں ٹیمیں اپنے اسکواڈ کو مکمل کریں گی۔