چرس کی بو، ٹینس کی عالمی نمبر ون کھلاڑی سبالینکا کو میچ روکنا پڑگیا

ٹینس کی عالمی نمبر ون کھلاڑی اور بیلاروس سے تعلق رکھنے والی سٹار آرینا سبالینکا (Aryna Sabalenka) اپنے ایک اہم میچ کے دوران سٹیڈیم میں موجود کسی تماشائی کے چرس (Marijuana) پینے کی وجہ سے شدید پریشان اور ڈسٹرب ہو گئیں۔ یہ دلچسپ اور غیر معمولی واقعہ اس وقت پیش آیا جب سبالینکا ٹورنامنٹ کے تیسرے راؤنڈ کے میچ میں ازبکستان کی کمیلا رحیمووا (Kamilla Rakhimova) کے خلاف کورٹ میں مدِ مقابل تھیں۔ میچ کے آغاز پر ہی 3-0 سے برتری حاصل کرنے کے بعد جب سبالینکا اپنی سروس کرنے کی تیاری کر رہی تھیں تو انہیں کورٹ کے قریب چرس کی تیز بو محسوس ہوئی، جس پر انہوں نے فوری طور پر پیش رفت روکی۔