جنوبی افریقہ نے پاکستان کو ہرا کر انڈر 19 ویمن ٹی 20 سیریز جیت لی

جنوبی افریقہ کی انڈر 19 ویمن کرکٹ ٹیم نے پانچ میچوں پر مشتمل ٹی ٹوئنٹی سیریز کے فیصلہ کن مقابلے میں پاکستان کو ڈی ایل ایس (DLS) میتھڈ کے تحت 17 رنز سے شکست دے کر سیریز 2-3 سے اپنے نام کر لی ہے۔ کراچی میں کھیلے گئے پانچویں اور آخری ٹی ٹوئنٹی میچ میں پاکستان انڈر 19 ویمن ٹیم نے پہلے بیٹنگ کرتے ہوئے مقررہ 20 اوورز میں 6 وکٹوں کے نقصان پر 128 رنز بنائے اور جنوبی افریقہ کو فتح کے لیے 129 رنز کا ہدف دیا۔ قومی ٹیم کی جانب سے راویل فرحان 32، شہر بانو 30، اقصیٰ حبیب 23 اور کومل خان 21 رنز بنا کر نمایاں رہیں۔ تاہم، جنوبی افریقہ کی اننگز کے دوران بارش کے باعث کھیل کو روکنا پڑا، جس کے بعد میچ کا حتمی نتیجہ ڈی ایل ایس میتھڈ کے تحت سامنے آیا اور مہمان ٹیم نے کامیابی حاصل کرتے ہوئے سیریز ٹرافی اپنے نام کر لی۔