ٹی 20 ورلڈکپ: سپر8میں جنوبی افریقا نے ویسٹ انڈیز کو 9 وکٹوں سے ہرادیا

ٹی ٹوئنٹی ورلڈ کپ کے سپر8مرحلے کے میچ میں جنوبی افریقا نے ویسٹ انڈیز کو 9 وکٹوں سے شکست دے دی۔

احمد آباد میں کھیلے گئے میچ میں جنوبی افریقا نے ٹاس جیت کر پہلے فیلڈنگ کا فیصلہ کیا۔ویسٹ انڈیز  نے  مقررہ 20 اوورز میں 8 وکٹوں کے نقصان پر176 رنز بنائے۔ویسٹ انڈیز کی جانب سے روماریو شیفرڈ 50 اور جیسن ہولڈر 49 رنز بنا کر نمایاں رہے۔

جنوبی افریقا کی جانب سے نجیدی نے 3 جب کہ ربادا  اور کوربن بوش نےدودووکٹیں حاصل کیں۔جنوبی افریقا نے 177 رنز کا ہدف ایک وکٹ کے نقصان پر پورا کرلیا۔

جنوبی افریقا کی جانب سے کپتان ایڈن مرکرم نے 82 رنز کی ناقابل شکست اننگ کھیلی۔ ان کے علاوہ کوئنٹن ڈی کوک نے 47 اور ریان رکلٹن نے 45 رنز بنائے۔

گروپ ون  میں سے  سپر ایٹ مرحلے میں جنوبی افریقا 4 پوائنٹس کے ساتھ پہلے نمبر پر آگیا ہے جب کہ ویسٹ انڈیز دوسرے، بھارت تیسرے اور زمبابوے چوتھے نمبر پر ہے۔