لیجنڈری فٹ بالر برٹو کارلوس نے اسلام قبول کرنے کی خبریں بے بنیاد قرار دے دیں

برازیل اور ریال میڈرڈ کے لیجنڈری فٹبالر روبرٹو کارلوس نے اسلام قبول کرنے کے حوالے سے سوشل میڈیا اور میڈیا رپورٹس میں گردش کرنے والی تمام خبروں کو بے بنیاد قرار دیتے ہوئے ان کی تردید کی ہے۔ 53 سالہ سابق سٹار نے انسٹاگرام پر وضاحت کرتے ہوئے کہا کہ وہ تمام مذاہب بالخصوص اسلام اور مسلم کمیونٹی کا بے حد احترام کرتے ہیں، تاہم ان کے قبولِ اسلام کے دعوے درست نہیں ہیں۔ واضح رہے کہ حال ہی میں ترک میڈیا کی جانب سے ان کے کلمہ پڑھ کر مسلمان ہونے کا دعویٰ کیا گیا تھا جبکہ مراکشی نژاد ایجنٹ سہیلہ الطہیری سے ان کی شادی کی تصاویر میں اسلامی روایات کو بھی ان افواہوں کا سبب بنایا گیا تھا۔ روبرٹو کارلوس نے واضح کیا کہ وہ شادی میں دونوں خاندانوں کی روایات کا احترام شامل تھا اور اگر وہ کبھی مذہب تبدیل کریں گے تو اس کا باضابطہ اعلان خود کریں گے۔