سمندر کی تہہ میں چلنے والی انوکھی مچھلی، ویڈیو دیکھیں

اعماقِ سمندر اور بحری حیات کی پراسرار دنیا سے ایک اور حیرت انگیز ویڈیو سامنے آئی ہے، جس میں ایک انوکھی مچھلی تیرنے کے بجائے اپنے پروں کی مدد سے سمندر کی تہہ پر انسانوں اور جانوروں کی طرح باقاعدہ چلتی ہوئی دکھائی دے رہی ہے۔

سوشل میڈیا پر وائرل ہونے والی اس ویڈیو میں نظر آنے والی نایاب مچھلی کو ریڈ لپڈ بیٹ فش (Red-lipped Batfish) کہا جاتا ہے۔ یہ مچھلی اپنی غیر معمولی ساخت، منفرد بناوٹ اور گہرے سرخ رنگ کے شوخ ہونٹوں کی وجہ سے دنیا بھر میں الگ پہچان رکھتی ہے۔

اس مچھلی کی سب سے دلچسپ اور سائنسی خصوصیت یہ ہے کہ اس کے پر (Fins) وقت کے ساتھ اس طرح تیار ہوئے ہیں کہ یہ انہیں ٹانگوں کی طرح استعمال کر کے سمندری سرفیس پر آگے بڑھتی ہے۔ عام مچھلیوں کے برعکس، جو پانی میں تیزی سے تیرنے کے لیے پروں کا استعمال کرتی ہیں، ریڈ لپڈ بیٹ فش سمندر کی گہرائی میں انہی پروں کے سہارے زمین پر قدم اٹھاتے ہوئے چلنے کی صلاحیت رکھتی ہے۔