چوہا قیمتی ہیروں سے مزین زیورات لے اُڑا!

بھارتی ریاست کرناٹک میں چوری کی ایک انوکھی واردات پیش آئی ہے جہاں ایک صراف کی بند دکان سے چوہا لاکھوں روپے مالیت کے قیمتی ہیروں سے مزین طلائی زیورات لے اڑا۔ دکاندار نے جب صبح دکان کھولی تو بغیر کسی تالے کے ٹوٹنے یا نقب زنی کے زیورات غائب دیکھ کر پریشان ہو گیا۔ تاہم، جب سی سی ٹی وی کیمرے کی فوٹیج کا جائزہ لیا گیا تو انکشاف ہوا کہ چوری کسی انسان نے نہیں بلکہ دکان میں بل بنا کر رہنے والے ایک چوہے نے کی ہے، جو شوکیس میں آ کر باری باری زیورات اٹھا کر اپنے بل میں منتقل کرتا رہا۔ دکان کے عملے نے چوہے کے بل کو کھود کر 10 لاکھ 50 ہزار بھارتی روپے (تقریباً 30 لاکھ پاکستانی روپے) مالیت کی 10 طلائی انگوٹھیاں اور 3 سونے کی چین کامیابی سے برآمد کر لیں۔