راشد خان کا بھارت اور آسٹریلیا کی جانب سے شہریت ٹھکرانے کا انکشاف

افغانستان کرکٹ ٹیم کے مایہ ناز لیگ سپنر راشد خان نے انکشاف کیا ہے کہ انہیں ماضی میں بھارت اور آسٹریلیا جیسے ممالک کی جانب سے شہریت (Citizenship) اور ان کی قومی ٹیموں کی طرف سے کھیلنے کی پیشکشیں ہوئیں، جنہیں انہوں نے اپنے ملک کی محبت میں ٹھکرا دیا۔

غیر ملکی میڈیا کے مطابق راشد خان نے بتایا کہ 2023ء میں ایک اہم شخصیت نے انہیں مشورہ دیا تھا کہ وہ افغانستان چھوڑ کر بھارت میں مستقل سکونت اختیار کر لیں، تاہم راشد خان نے دوٹوک جواب دیا کہ وہ صرف اور صرف افغانستان کی نمائندگی کریں گے۔ ان کا کہنا تھا کہ اس قسم کی پیشکشیں انہیں پہلے بھی ملتی رہی ہیں لیکن ان کا موقف ہمیشہ واضح رہا ہے کہ اگر وہ افغانستان کے لیے نہیں کھیلیں گے تو کسی اور ملک کے لیے بھی میدان میں نہیں اتریں گے۔