بھارت میں دو سروں والا نایاب سانپ برآمد، دیکھنے والے حیران

بھارتی ریاست گجرات کے ضلع داہود کے گاؤں آگسوانی سے ریسکیو اہلکاروں نے دو سروں والا ایک نایاب سانپ زندہ حالت میں برآمد کر لیا ہے، جس کی ویڈیو سوشل میڈیا پر تیزی سے توجہ حاصل کر رہی ہے۔ ماہرین کے مطابق تقریباً 6 انچ لمبا یہ غیر معمولی سانپ غیر زہریلا ہے اور اس کے دونوں سر الگ الگ حرکت اور ردعمل ظاہر کرنے کی صلاحیت رکھتے ہیں۔ مقامی وائلڈ لائف ریسکیو ٹیم نے محکمہ جنگلات کے تعاون سے اس نایاب سانپ کو بحفاظت پکڑ کر ایک محفوظ مقام پر منتقل کر دیا۔ حکام کا کہنا ہے کہ گجرات میں زندہ دو سروں والے سانپ کی یہ پہلی دستاویزی ریسکیو سمجھی جا رہی ہے، جبکہ پورے بھارت میں اس نوعیت کے انتہائی کم کیسز ہی رپورٹ ہوئے ہیں۔