آسمان پر 6 سیاروں کا بہترین نظارہ کرنا پسند کریں گے؟

سیاروں کو دیکھنے کے شوقین افراد کے لیے ایک نایاب اور منفرد خلائی نظارہ آپ کا منتظر ہے۔ فروری میں 6 سیارے رات کے آسمان پر کچھ دنوں کے لیے ایک ساتھ نظر آئیں گے، جسے علم نجوم میں پلانیٹ پریڈ کہا جاتا ہے۔

اس دوران آپ عطارد، زہرہ، مشتری، زحل، یورینس اور نیپچون کو دیکھ سکیں گے، جبکہ نظام شمسی کا ایک سیارہ مریخ اس انوکھی پریڈ میں شامل نہیں ہوگا۔ شمالی نصف کرے میں فروری کے آخری ہفتے میں یہ پریڈ بہترین طور پر دیکھی جا سکتی ہے، تاہم زیادہ تر سیارے سورج غروب ہونے کے فوری بعد نظر آئیں گے، لہٰذا ٹیلی اسکوپ کا استعمال مفید ہوگا۔

• عطارد اور زہرہ ایک دوسرے کے قریب ہوں گے اور غروب ہوتے سورج کے قریب چند منٹوں کے لیے نظر آئیں گے۔

• مشتری اور یورینس کو تلاش کرنا آسان ہوگا کیونکہ وہ دیر تک آسمان پر رہیں گے۔

• زحل اور نیپچون بھی ایک دوسرے کے قریب ہوں گے اور ٹیلی اسکوپ سے دیکھنا ممکن ہوگا۔

یہ پلانیٹ پریڈ دنیا بھر میں دیکھی جا سکتی ہے، اور آن لائن سروسز کے ذریعے اس کے تاریخ اور وقت کا علم حاصل کیا جا سکتا ہے۔ 2026 میں مجموعی طور پر 3 پلانیٹ پریڈز کا مشاہدہ ممکن ہوگا: فروری میں 6 سیارے، اپریل میں 5 سیارے، اور اگست میں پھر 6 سیارے۔