رجب بٹ پر عدالت پیشی کے دوران وکلا کا تشدد، مقدمہ درج

عدالت میں پیشی کے دوران رجب علی بٹ پر وکلا کے تشدد کا واقعہ سامنے آ گیا۔ تھانہ سٹی کورٹ میں رجب بٹ کے وکیل میاں علی اشفاق کی مدعیت میں حملے کا مقدمہ درج کر لیا گیا ہے۔

مقدمے کے متن کے مطابق 29 دسمبر کو میاں علی اشفاق اپنے موکل رجب علی بٹ کے ہمراہ ایک مقدمے کی پیشی کے لیے سٹی کورٹ آئے تھے، جہاں ایڈووکیٹ ریاض سولنگی، فتح چانڈیو اور دیگر وکلا نے رجب بٹ پر حملہ کر دیا۔

ایف آئی آر کے مطابق تشدد کے نتیجے میں رجب بٹ کو شدید چوٹیں آئیں جبکہ دیگر وکلا کو بھی ہراساں کیا گیا۔ حملہ آوروں نے رجب بٹ سے ان کا بیگ بھی چھین لیا، جو بعد ازاں ریاض سولنگی نے واپس کر دیا، تاہم بیگ میں موجود تین لاکھ روپے غائب تھے۔

مقدمے کے متن میں یہ بھی بتایا گیا ہے کہ واقعے کے دوران رجب بٹ کو جان سے مارنے کی دھمکیاں بھی دی گئیں۔ پولیس نے واقعے کی تحقیقات شروع کر دی ہیں۔