کشمیری عوام کے صبر اور برداشت کو سلام پیش کرتا ہوں، تحریک دنیا بھر میں پھیل رہی ہے: مولانا فضل الرحمان

جمعیت علمائے اسلام (جے یو آئی) کے سربراہ مولانا فضل الرحمان نے مقبوضہ کشمیر میں جاری مظاہروں اور احتجاج پر اپنے ردِعمل کا اظہار کرتے ہوئے کہا ہے کہ گزشتہ 2 ماہ سے جاری اس تحریک کو حکومت طاقت کے ذریعے کچلنے پر ڈٹی ہوئی ہے۔ اپنے ایک ویڈیو پیغام میں انہوں نے بتایا کہ 5 جون کو حالات خراب ہونے کے بعد کمیٹی نے ثالثی کے لیے ان سے رابطہ کیا اور اعتماد کا اظہار کیا، لیکن حکومت نے اس معاملے کو کوئی اہمیت نہ دی۔ مولانا فضل الرحمان نے کشمیری عوام کے صبر اور برداشت کو خراجِ تحسین پیش کرتے ہوئے کہا کہ یہ تحریک اب پورے کشمیر اور عالمی سطح پر پھیل رہی ہے۔ انہوں نے کمیٹی سے اپیل کی کہ وہ مزید مہلت دیں اور کوئی بڑا قدم نہ اٹھائیں، نیز انہوں نے زور دیا کہ اور ریاستی اداروں کو خون خرابا کرنے کے بجائے صلح و آشتی کا راستہ اختیار کرنا چاہیے۔