ایران کا کویت میں امریکی فوجی تنصیبات پر حملوں کا دعویٰ

ایرانی فوج اور پاسدارانِ انقلاب نے کویت اور بحرین میں قائم امریکی عسکری تنصیبات پر ڈرون حملے کرنے کا دعویٰ کیا ہے۔ ایرانی حکام کے مطابق کویت میں ‘احمد الجابر ایئر بیس’ اور ‘علی السالم ایئر بیس’ پر حملے کر کے امریکی جنگی طیاروں کے ہینگرز، مواصلاتی نظام، ایندھن کے گوداموں اور عسکری سامان کو نشانہ بنایا گیا ہے۔ پاسدارانِ انقلاب کا کہنا ہے کہ یہ کارروائی قشم جزیرے میں ایک رہائشی عمارت پر امریکی حملے کے جواب میں کی گئی ہے۔ اس کے علاوہ ایرانی فورسز نے بحرین میں واقع ‘شیخ عیسیٰ ایئر بیس’ پر موجود امریکی فوج کے پاور جنریٹرز، نیوی گیشن سسٹمز اور انتظامی عمارتوں کو بھی ڈرون حملوں میں نشانہ بنانے کا دعویٰ کیا ہے۔