ایل پی جی کی قیمتوں میں اضافہ، اوگرا نے نوٹیفکیشن جاری کردیا

آئل اینڈ گیس ریگولیٹری اتھارٹی (اوگرا) نے ایل پی جی کی قیمتوں میں 12 روپے 89 پیسے فی کلو کا اضافہ کر دیا ہے۔ اوگرا کی جانب سے جاری کردہ نوٹیفکیشن کے مطابق ایل پی جی کی نئی قیمت 254 روپے 32 پیسے فی کلو مقرر کی گئی ہے، جبکہ اس سے قبل فی کلو قیمت 241 روپے 43 پیسے تھی۔ نوٹیفکیشن میں واضح کیا گیا ہے کہ ایل پی جی کی ان نئی قیمتوں کا اطلاق آئندہ ایک ماہ کے لیے ہوگا، جس سے گھریلو اور تجارتی صارفین پر اضافی مالی بوجھ پڑے گا۔