بیلاروس کے وفد کا نیول ہیڈ کوارٹرز کا دورہ، چیف آف نیول سٹاف سے ملاقات

بیلاروس کے ایک اعلیٰ سطحی وفد نے نیول ہیڈ کوارٹرز اسلام آباد کا دورہ کیا، جہاں انہوں نے چیف آف نیول اسٹاف ایڈمرل نوید اشرف سے اہم ملاقات کی۔ آئی ایس پی آر کے مطابق، ملاقات کے دوران باہمی دلچسپی کے پیشہ ورانہ امور بالخصوص دفاعی تعاون کو مزید مضبوط بنانے اور اس کے دائرہ کار کو وسعت دینے پر اتفاق کیا گیا۔ اس موقع پر نیول چیف نے کہا کہ پاکستان بیلاروس کے ساتھ اپنے تعلقات کو انتہائی اہمیت دیتا ہے اور دونوں ممالک کے درمیان طویل المدتی و ہمہ جہت تعاون کو فروغ دینے کا خواہاں ہے۔ دوسری جانب، بیلاروسی وفد نے علاقائی بحری سلامتی اور امن کے فروغ کے لیے پاک بحریہ کی کاوشوں اور عزم کی بھرپور تعریف کی۔