حکومت کا پٹرول اور ڈیزل کی قیمتوں میں معمولی کمی کا اعلان

حکومت نے پٹرول اور ہائی اسپیڈ ڈیزل کی فی لٹر قیمتوں میں معمولی کمی کا اعلان کیا ہے۔ پٹرولیم ڈویژن کی جانب سے جاری کردہ نوٹیفکیشن کے مطابق ہائی اسپیڈ ڈیزل کی قیمت میں 66 پیسے فی لٹر کمی کی گئی ہے، جس کے بعد اس کی نئی قیمت 392 روپے 38 پیسے فی لٹر مقرر ہو گئی ہے۔ اسی طرح پٹرول کی قیمت میں 12 پیسے فی لٹر کی معمولی کمی کی گئی ہے، جس کے بعد پٹرول کی نئی قیمت 336 روپے 3 پیسے فی لٹر ہو گئی ہے۔ نوٹیفکیشن میں بتایا گیا ہے کہ ان نئی قیمتوں کا اطلاق فوری طور پر کر دیا گیا ہے جو کہ یکم اگست سے 3 اگست تک نافذ العمل رہیں گی۔