قطر میں ایران اور عمان کے مذاکرات اہم مرحلے میں داخل، آبنائے ہرمز کھولنے پر زور

قطری وزارتِ خارجہ کے ترجمان ماجد الانصاری نے کہا ہے کہ قطر میں ایران اور عمان کے درمیان جاری مذاکرات انتہائی اہم اور فیصلہ کن مرحلے میں داخل ہو گئے ہیں۔ انہوں نے بتایا کہ دونوں ممالک کے درمیان بات چیت ایڈوانس اسٹیج پر پہنچ چکی ہے اور قطر خطے میں تناؤ کو کم کرنے کی تمام کوششوں کی مکمل حمایت کرتا ہے۔ ترجمان کے مطابق بطور ثالث قطر کی اولین خواہش ہے کہ اہم بحری گزرگاہ ‘آبنائے ہرمز’ کو جلد از جلد دوبارہ کھولا جائے۔ دوسری جانب، اس پیش رفت کے دوران خلیج عمان میں پاکستانی ساحل سے تقریباً 71 ناٹیکل میل کے فاصلے پر پاناما کے پرچم بردار ایک کنٹینر جہاز پر ممکنہ میزائل حملے کی اطلاع بھی سامنے آئی ہے، جس سے علاقے میں سیکیورٹی خدشات میں مزید اضافہ ہو گیا ہے۔