سپورٹس بورڈ پنجاب کے ایڈوائزری بورڈ میں طلبہ کی شمولیت

اسپورٹس بورڈ پنجاب نے ایک تاریخی پیشرفت کرتے ہوئے پاکستان میں پہلی بار کسی سرکاری ادارے کے ایڈوائزری بورڈ میں طلبہ کو بطور ممبر شامل کر لیا ہے۔ پنجاب اسپورٹس بورڈ کی جانب سے جاری کردہ رسمی اعلامیے کے مطابق ایڈوائزری بورڈ کا اہم اجلاس صوبائی وزیر برائے کھیل فیصل ایوب کھوکھر کی صدارت میں منعقد ہوا، جس میں نو منتخب طالب علم اراکین نے بھی باقاعدہ شرکت کی۔ وزیرِ کھیل نے اس اقدام کو یوتھ امپاورمنٹ کی سمت ایک اہم پیشرفت قرار دیتے ہوئے کہا کہ اب صوبے کے نوجوان کھیلوں کی پالیسی سازی اور فیصلہ سازی کے عمل میں براہِ راست حصہ دار ہوں گے۔