پی ٹی آئی کا بڑا فیصلہ، بلدیاتی انتخابات کے لیے نامزدگی کا عمل روک دیا گیا

پاکستان تحریک انصاف (پی ٹی آئی) کی قیادت نے بلدیاتی انتخابات کے حوالے سے بڑا فیصلہ کرتے ہوئے امیدواروں کی نامزدگی کا عمل روک دیا ہے۔

پارٹی ذرائع کے مطابق پی ٹی آئی نے بلدیاتی انتخابات سے متعلق قائم کیے گئے پارلیمانی بورڈ کی تشکیل کا نوٹیفکیشن بھی منسوخ کر دیا ہے۔ اس فیصلے کے بعد بلدیاتی انتخابات کے لیے پارٹی سطح پر جاری تمام تیاریوں کو عارضی طور پر معطل کر دیا گیا ہے۔

پی ٹی آئی قیادت کی جانب سے اس فیصلے کی وجوہات سے متعلق مزید تفصیلات سامنے نہیں آئیں، تاہم امکان ظاہر کیا جا رہا ہے کہ پارٹی آئندہ لائحہ عمل سے متعلق مشاورت کے بعد نئی حکمتِ عملی کا اعلان کرے گی۔