سٹاک مارکیٹ میں تیزی کے بعد مندی، ہنڈرڈ انڈیکس منفی زون میں بند ہوا

پاکستان اسٹاک مارکیٹ (PSX) میں کاروباری ہفتے کے دوسرے روز (منگل) شدید سنسنی خیز اتار چڑھاؤ دیکھا گیا، جہاں صبح کے وقت ہونے والی شاندار تیزی انویسٹرز کی پرافٹ ٹیکنگ اور فروخت کے دباؤ کے باعث اچانک پلس زون سے مائنس زون میں تبدیل ہو گئی۔ ٹریڈنگ کے اختتام پر پی ایس ایکس کا بینچ مارک کے ایس ای 100 انڈیکس (KSE 100 Index) منفی زون میں بند ہوا۔

منگل کے روز جیسے ہی ٹریڈنگ کا آغاز ہوا تو انویسٹرز کی جانب سے زبردست بائنگ پریشر دیکھا گیا۔ مارکیٹ میں 900 سے زائد پوائنٹس کا بڑا اضافہ ریکارڈ کیا گیا، جس کی بدولت ہنڈرڈ انڈیکس یک لاکھ 79 ہزار 405 پوائنٹس کی تاریخی نفسیاتی سطح پر پہنچ گیا۔ ابتدائی تیزی کے بعد مارکیٹ میں اچانک فروخت کا شدید دباؤ (Selling Pressure) آیا، جس نے تیزی کے تمام اثرات زائل کر دیے اور مارکیٹ مسلسل نیچے گرتی چلی گئی۔ یہ مندی کاروباری وقت کے اختتام تک برقرار رہی۔ اس شدید مندی کے باعث ہنڈرڈ انڈیکس 778 پوائنٹس کی بڑی کمی کے ساتھ یک لاکھ 77 ہزار 692 پوائنٹس کی سطح پر بند ہوا۔