پاکستان سٹاک مارکیٹ میں تیزی، انڈیکس ایک لاکھ 81 ہزار پوائنٹس کی حد پر بحال

کاروباری ہفتے کے چوتھے روز پاکستان سٹاک ایکسچینج (PSX) میں زبردست تیزی کا رجحان دیکھا گیا، جس کے نتیجے میں KSE-100 انڈیکس 1,500 سے زائد پوائنٹس کے نمایاں اضافے کے ساتھ 1,81,687 پوائنٹس کی سطح پر پہنچ گیا۔ اس تیزی کے ساتھ مارکیٹ نے کامیابی کے ساتھ 1 لاکھ 81 ہزار پوائنٹس کی حد دوبارہ بحال کر لی ہے۔

واضح رہے کہ گزشتہ کاروباری روز کے اختتام پر بھی مارکیٹ میں شدید تیزی ریکارڈ کی گئی تھی، جہاں انڈیکس 2,931 پوائنٹس کے اضافے کے بعد 1,80,014 پوائنٹس کی سطح پر بند ہوا تھا۔