پی ایس ایل، کراچی کنگز نے کوئٹہ گلیڈی ایٹرز کو 9 وکٹوں سے ہرادیا

پاکستان سپر لیگ ایڈیشن گیارہ میں دلچسپ مقابلے جاری۔کراچی کنگز نے کوئٹہ گلیڈی ایٹرز کو 9 وکٹوں سے شکست دے دی ۔ کپتان ڈیوڈ وارنر نواسی اور ہینڈرکس نے ستاسی رنز بنا کر جیت میں اہم کردار ادا کیا

قذافی اسٹیڈیم لاہور میں کھیلے گئے میچ میں کراچی کنگز نے ٹاس جیت کر پہلے بولنگ کا فیصلہ کیا ۔

کوئٹہ گلیڈی ایٹرز نے چھ وکٹوں پر ایک سو پچانوے رنز بنائے ۔ ریلی روسو 90 ۔ سعود شکیل 57 اور چندی مل 30 رنز بنانے میں کامیاب رہے ۔ کراچی کنگز کی جانب سے رضوان اللہ ۔ حسن علی اور عباس آفریدی نے دو دو وکٹیں حاصل کیں۔

کراچی کنگز نے ایک سو چھیانوے رنز کا مطلوبہ ہدف ایک وکٹ کے نقصان پر حاصل کرلیا ۔ کپتان ڈیوڈ وارنر  89  اور ریزا ہینڈیکس نے 87  رنز بنا کر ٹیم کی فتح میں اہم کردار ادا کیا ۔جیسن رائے 20 رنز بنا کر پویلین لوٹے۔ کوئٹہ گلیڈی ایٹرز کی جانب سے واحد وکٹ جہانداد نے حاصل کی

اتوار کو کراچی میں دو میچز کھیلے جائیں گے ۔ حیدرآباد کنگز مین کا مقابلہ  راولپنڈیز کے ساتھ ہوگاجبکہ ملتان سلطانز اور اسلام آباد یونائیٹڈ کے درمیان میچ کھیلا جائے گا۔