پی ایس ایل فائنل کیلئے شاندار اختتامی تقریب کی تیاریاں جاری ہیں: سلمان نصیر

پی ایس ایل کے سی ای او سلمان نصیر نے پی سی بی ڈیجیٹل سے گفتگو کرتے ہوئے کہا ہے کہ فائنل کے موقع پر ایک یادگار اختتامی تقریب کے لیے اسٹیج کی تیاری اور ریہرسل کا عمل تیزی سے جاری ہے۔ انہوں نے کراچی کے شائقین کی تعریف کرتے ہوئے کہا کہ کوالیفائر میچ میں عوام کے غیر معمولی رش نے اسٹیڈیم نہ آنے کی تمام روایتیں توڑ دیں اور ایک موقع پر گیٹ تک بند کرنے پڑے۔ سلمان نصیر نے اعلان کیا کہ پی ایس ایل 11 کی فاتح ٹیم کے شہر میں ٹرافی ٹور بھی کرایا جائے گا تاکہ مقامی شائقین اپنی ٹیم کی جیت کا جشن منا سکیں۔