پی ایس ایل 11 کا پہلا مرحلہ ختم، پوائنٹس ٹیبل پر ملتان سلطانز کا پہلا نمبر

پاکستان سپر لیگ (پی ایس ایل) کے 11 ویں ایڈیشن کا پہلا مرحلہ انتہائی دلچسپ مقابلوں کے بعد اختتام پذیر ہو گیا ہے، جس میں ملتان سلطانز 5 میں سے 4 فتوحات کے ساتھ پوائنٹس ٹیبل پر پہلی پوزیشن پر براجمان ہے۔ ایونٹ میں آج آرام کا دن ہے، جس کے بعد کل سے دوسرے مرحلے کا آغاز نیشنل سٹیڈیم کراچی میں ہوگا، جہاں بابر اعظم کی قیادت میں پشاور زلمی اور مارنس لاپوشین کی حیدرآباد کنگزمین شام 7 بجے مدمقابل ہوں گی۔ اب تک کے اعداد و شمار کے مطابق کراچی کنگز تینوں میچز جیت کر دوسرے، اسلام آباد یونائیٹڈ تیسرے اور لاہور قلندرز چوتھے نمبر پر موجود ہے، جبکہ پشاور زلمی اپنے دونوں ابتدائی میچز جیت کر پانچویں پوزیشن پر ہے۔ دوسری جانب کوئٹہ گلیڈی ایٹرز، راولپنڈیز اور حیدرآباد کنگزمین کی کارکردگی مایوس کن رہی ہے اور وہ جدول میں آخری نمبروں پر ہیں۔ واضح رہے کہ حکومت کے کفایت شعاری پروگرام کے تحت لیگ کے تمام میچز صرف لاہور اور کراچی تک محدود رکھے گئے ہیں۔