پی ایس ایل 11 کا پلے آف مرحلہ آج سے شروع ہوگا

پاکستان سپر لیگ (پی ایس ایل) کے 11 ویں ایڈیشن کا سنسنی خیز پلے آف مرحلہ آج سے شروع ہو رہا ہے، جہاں نیشنل سٹیڈیم کراچی میں پشاور زلمی اور اسلام آباد یونائیٹڈ کی ٹیمیں شام 7 بجے کوالیفائر میں مدمقابل ہوں گی۔ لیگ کے شیڈول کے مطابق پہلا ایلیمنیٹر کل لاہور میں حیدرآباد کنگز مین اور ملتان سلطانز کے درمیان کھیلا جائے گا، جبکہ دوسرا ایلیمنیٹر یکم مئی اور فائنل 3 مئی کو لاہور ہی میں منعقد ہوگا۔ پی سی بی نے ان اہم میچوں کے لیے آفیشلز پینل کا بھی اعلان کر دیا ہے، جس کے تحت آج کے کوالیفائر میں رچی رچرڈسن میچ ریفری جبکہ کرس گیفنی اور ایلکس وارف آن فیلڈ امپائرز ہوں گے۔ دونوں ایلیمنیٹرز میں میچ ریفری کے فرائض تجربہ کار روشن مہانامہ سرانجام دیں گے، جو اب تک پی ایس ایل کے 127 میچز میں یہ ذمہ داری نبھا چکے ہیں۔