پی ایس ایل11 کوئٹہ گلیڈی ایٹرز اور پشاور زلمی آج آمنے سامنے آئیں گی

پاکستان سپر لیگ (PSL) ایڈیشن 11 کے دلچسپ مرحلے میں آج ایونٹ کی سب سے کامیاب ٹیم پشاور زلمی اور کوئٹہ گلیڈی ایٹرز کے درمیان میدان سجے گا۔ یہ اہم مقابلہ کراچی کے نیشنل بینک سٹیڈیم میں شام سات بجے شروع ہوگا، جہاں شائقینِ کرکٹ کو اسٹار بلے باز بابر اعظم اور باصلاحیت سعود شکیل کی کپتانی کا ٹکراؤ دیکھنے کو ملے گا۔ پشاور زلمی اس وقت بہترین فارم میں ہے اور اسے ایوانٹ کی فیورٹ ٹیم قرار دیا جا رہا ہے۔

اعداد و شمار پر نظر ڈالی جائے تو پشاور زلمی نے اب تک پی ایس ایل 11 میں کل 6 میچز کھیلے ہیں، جن میں سے وہ 5 میں شاندار کامیابی حاصل کر چکی ہے جبکہ ایک میچ بارش کی نذر ہونے کے باعث اسے ایک پوائنٹ ملا۔ دوسری جانب، کوئٹہ گلیڈی ایٹرز کی سفر اب تک اتار چڑھاؤ کا شکار رہا ہے؛ انہوں نے 5 میچز کھیلے ہیں جن میں سے صرف 2 میں جیت درج کی جبکہ 3 میچوں میں انہیں شکست کا سامنا کرنا پڑا۔

پوائنٹس ٹیبل پر پشاور زلمی 11 پوائنٹس کے ساتھ پہلے نمبر پر براجمان ہے اور پلے آف کی دوڑ میں سب سے آگے ہے۔ اس کے برعکس، کوئٹہ گلیڈی ایٹرز 4 پوائنٹس کے ساتھ پانچویں نمبر پر ہے، جس کے باعث آج کا میچ ان کے لیے ٹورنامنٹ میں بقا اور پوزیشن بہتر کرنے کے لیے انتہائی اہم ہے۔ کرکٹ ماہرین کا کہنا ہے کہ کراچی کی پچ بلے بازوں کے لیے سازگار ہونے کی توقع ہے، جس سے ایک ہائی اسکورنگ میچ دیکھنے کو مل سکتا ہے۔