پی ایس ایل 11، آج ملتان سلطان اور لاہور قلندرز آمنے سامنے آئیں گی

لاہور: پاکستان سپر لیگ کے گیارہویں سیزن کا ایک اور بڑا معرکہ آج شام 7 بجے لاہور کے تاریخی قذافی سٹیڈیم میں کھیلا جائے گا۔ اس میچ میں دفاعی چیمپئنز اور سابق فاتحین کے درمیان کانٹے کا مقابلہ متوقع ہے۔ ملتان سلطانز، جس کی قیادت اس بار آسٹریلوی سٹار آشٹن ٹرنر کر رہے ہیں، اب تک ایونٹ میں ناقابلِ شکست رہی ہے اور اپنے ابتدائی دونوں میچز جیت کر بھرپور فارم میں ہے۔

دوسری جانب، میزبان ٹیم لاہور قلندرز کی کمان اسٹار فاسٹ باؤلر شاہین شاہ آفریدی سنبھالے ہوئے ہیں۔ لاہور قلندرز نے اب تک ٹورنامنٹ میں ملے جلے نتائج دیے ہیں، جہاں انہیں ایک میچ میں فتح نصیب ہوئی وہیں ایک میچ میں ناکامی کا سامنا بھی کرنا پڑا۔ آج کے میچ میں لاہور قلندرز کی کوشش ہوگی کہ ہوم گراؤنڈ کا فائدہ اٹھاتے ہوئے ملتان کی جیت کا تسلسل توڑیں اور پوائنٹس ٹیبل پر اپنی پوزیشن مستحکم کریں۔