پی ایس ایل: لاہور قلندرز اور کوئٹہ گلیڈی ایٹرز آج مدمقابل

پاکستان سپر لیگ (پی ایس ایل) کے 11 ویں ایڈیشن میں آج ایک اہم مقابلہ ہونے جا رہا ہے، جہاں کراچی کے نیشنل بینک اسٹیڈیم میں لاہور قلندرز اور کوئٹہ گلیڈی ایٹرز کی ٹیمیں شام 7 بجے آمنے سامنے ہوں گی۔ دونوں ٹیمیں ٹورنامنٹ میں اپنی پوزیشن مستحکم کرنے کے لیے فتح حاصل کرنے کے لیے پرعزم ہیں۔

پوائنٹس ٹیبل کی صورتحال پر نظر ڈالی جائے تو پشاور زلمی 13 پوائنٹس کے ساتھ پہلے نمبر پر براجمان ہے، جبکہ آج مدمقابل ہونے والی ٹیمیں اس وقت نچلے درجے پر موجود ہیں۔ کوئٹہ گلیڈی ایٹرز 6 میچز میں سے 2 فتوحات کے ساتھ چھٹے نمبر پر ہے، جبکہ لاہور قلندرز 5 میچز میں سے 2 جیت کر ساتویں پوزیشن پر ہے۔

لاہور قلندرز کو اب تک کھیلے گئے میچوں میں 3 جبکہ کوئٹہ کو 4 شکستوں کا سامنا کرنا پڑا ہے، جس کی وجہ سے دونوں ٹیموں کے لیے آج کا میچ پلے آف کی دوڑ میں شامل رہنے کے لیے انتہائی اہمیت کا حامل ہے۔