پی ایس ایل: پہلے ایلیمینیٹر میچ میں آج حیدر آباد اور ملتان مدمقابل

پاکستان سپر لیگ (پی ایس ایل) کے گیارہویں ایڈیشن کا ایلیمینیٹر مرحلہ آج سے شروع ہو رہا ہے، جہاں لاہور کے قذافی اسٹیڈیم میں حیدرآباد کنگز مین اور ملتان سلطانز کی ٹیمیں مدمقابل ہوں گی۔ شام 7 بجے شروع ہونے والے اس اہم میچ میں ہارنے والی ٹیم ٹورنامنٹ سے باہر ہو جائے گی، جبکہ فاتح ٹیم دوسرے ایلیمینیٹر میں اسلام آباد یونائیٹڈ کا سامنا کرے گی۔ یاد رہے کہ پشاور زلمی گزشتہ روز اسلام آباد یونائیٹڈ کو 70 رنز کی بھاری شکست دے کر پہلے ہی فائنل کے لیے کوالیفائی کر چکی ہے۔ آج کے میچ کے لیے دونوں ٹیموں نے بھرپور تیاری کر رکھی ہے اور شائقینِ کرکٹ ایک سنسنی خیز مقابلے کی توقع کر رہے ہیں۔