پی ایس ایل11 میں آج دو میچز شیدول

پاکستان سپر لیگ (PSL) کے 11ویں ایڈیشن میں آج کرکٹ کے میدانوں میں دو سنسنی خیز مقابلے متوقع ہیں، جن کے نتائج پوائنٹس ٹیبل پر ٹیموں کی پوزیشن اور پلے آف کی دوڑ میں اہم کردار ادا کریں گے۔

پہلا ٹکرائو دوپہر 2:30 بجے قذافی سٹیڈیم لاہور میں ہوگا جہاں بابر اعظم کی قیادت میں پوائنٹس ٹیبل کی ٹاپ ٹیم پشاور زلمی کا مقابلہ کراچی کنگز سے ہوگا۔ پشاور زلمی پہلے ہی پلے آف کے لیے کوالیفائی کر چکی ہے، تاہم کراچی کنگز کے لیے یہ ‘کرو یا مرو’ کی صورتحال ہے؛ پلے آف میں جگہ بنانے کے لیے کراچی کو آج ہر صورت میں فتح درکار ہے۔

دوسرا مقابلہ شام 7:00 بجے نیشنل سٹیڈیم کراچی میں کھیلا جائے گا، جہاں میزبان حیدرآباد کنگزمین اور ملتان سلطانز مدمقابل ہوں گی۔ ملتان سلطانز، جن کی قیادت آسٹن ٹرنر کر رہے ہیں، پوائنٹس ٹیبل پر دوسری پوزیشن کے ساتھ مضبوط پوزیشن میں ہیں، جبکہ مارنس لبوشین کی قیادت میں حیدرآباد کنگزمین اپنی ہوم کنڈیشنز کا فائدہ اٹھانے کی کوشش کرے گی۔