پی ایس ایل کے 11 ویں ایڈیشن میں آج 2 اہم میچ کھیلے جائیں گے

پاکستان سپر لیگ (پی ایس ایل) کے 11 ویں ایڈیشن میں آج کراچی میں کرکٹ کا میلہ سجے گا جہاں دو اہم میچ کھیلے جائیں گے۔ دن کے پہلے مقابلے میں لاہور قلندرز اور اسلام آباد یونائیٹڈ کی ٹیمیں دوپہر ڈھائی بجے نیشنل اسٹیڈیم میں ٹکرائیں گی۔ دونوں ٹیموں کے درمیان ہمیشہ سے سخت مقابلہ دیکھنے میں آتا ہے، جس کے باعث شائقینِ کرکٹ کی بڑی تعداد اس میچ کا انتظار کر رہی ہے۔

آج کا دوسرا اور بڑا مقابلہ شام 7 بجے کراچی کنگز اور پشاور زلمی کے درمیان ہوگا، جہاں ہوم گراؤنڈ پر کراچی کنگز کو مقامی سپورٹ حاصل ہوگی، جبکہ پشاور زلمی گزشتہ جیت کے تسلسل کو برقرار رکھنے کے لیے پرعزم ہے۔ واضح رہے کہ گزشتہ روز کھیلے گئے 15 ویں میچ میں پشاور زلمی نے حیدرآباد کنگزمین کو ایک سنسنی خیز مقابلے کے بعد 4 وکٹوں سے شکست دے کر پوائنٹس ٹیبل پر اپنی پوزیشن مستحکم کی تھی۔ آج کے یہ دونوں میچز پی ایس ایل 11 کے پلے آف مرحلے کی دوڑ کے لیے انتہائی اہمیت کے حامل قرار دیے جا رہے ہیں۔