آسٹریلیا میں قومی ہاکی ٹیم کی رہائش سے متعلق انکوائری رپورٹ جمع

آسٹریلیا میں قومی ہاکی کھلاڑیوں کی ناقص رہائش اور کھانے سے متعلق شکایات پر پاکستان سپورٹس بورڈ کی انکوائری کمیٹی نے اپنی رپورٹ جمع کروا دی ہے۔

پاکستان سپورٹس بورڈ کے ڈائریکٹر جنرل یاسر پیرزادہ نے مذکورہ خبریں منظرِ عام پر آنے کے بعد فوری طور پر انکوائری کا حکم دیا تھا۔انکوائری کمیٹی کے سربراہ چیف فنانشل آفیسر حسنات احمد تھے جبکہ سعید احمد چوہدری اور رانا نصر اللہ کمیٹی کے ارکان میں شامل تھے۔کمیٹی نے ایک روز میں تحقیقات مکمل کر کے اپنی رپورٹ ڈائریکٹر جنرل پاکستان سپورٹس بورڈ کو ارسال کر دی ہے۔ ذرائع کے مطابق رپورٹ میں ذمہ داران کے تعین اور مستقبل میں ایسے واقعات سے بچنے کے لیے سفارشات بھی شامل کی گئی ہیں۔