پیپلز پارٹی کا نجکاری پر موقف واضح، چوہدری منظور و سینٹر پلوشہ خان کی پریس کانفرنس

اسلام آباد: پاکستان پیپلز پارٹی کے رہنما چوہدری منظور اور سینٹر پلوشہ خان نے اسلام آباد میں پریس کانفرنس کے دوران نجکاری اور پی آئی اے کی صورتحال پر موقف واضح کیا۔

چوہدری منظور نے کہا کہ پاکستان پیپلز پارٹی نے پی ٹی آئی کو عزت دی، لیکن ہمیں ہمارے ہی بڑوں کے خلاف گالیاں دی گئیں۔ انہوں نے بتایا کہ پی آئی اے کو 10 ارب روپے میں فروخت کرنا فراڈ اور کھلی ڈکیتی ہے، اور لندن کے روٹ کو قطر کے حوالے کرنے کی پالیسی نواز شریف کے دور میں آئی، جس نے پی آئی اے کو تباہ کیا۔

انہوں نے منرلز انڈسٹری کی نجکاری پر بھی روشنی ڈالتے ہوئے کہا کہ اس ادارے میں 2800 سے زائد ماہرین موجود ہیں، اور گزشتہ سال اس نے 45 ارب روپے سے زیادہ منافع دیا۔

سینٹر پلوشہ خان نے کہا کہ نجکاری کا مسئلہ بہت اہم ہے، پیپلز پارٹی پارلیمنٹ میں اس پر آواز اٹھائے گی، اور کل جاری ہونے والا جعلی آرڈیننس صدر مملکت کے علم کے بغیر جاری کیا گیا، جسے حکومت نے بعد میں واپس لے لیا۔

رہنماؤں نے مزید کہا کہ خیبر پختونخوا کی شخصیت کو سندھ میں ویلکم کیا گیا اور سندھی اجرک پہنائی گئی، جبکہ سڑکوں پر جلسے کی اجازت قابل قبول نہیں تھی۔