پاسداران انقلاب کا امریکی نگرانی میں آبنائے ہرمز عبور کرنیوالے جہازوں کو نشانہ بنانے کا دعویٰ

ایرانی پاسدارانِ انقلاب (IRGC) نے دعویٰ کیا ہے کہ انہوں نے آبنائے ہرمز میں امریکی فضائی نگرانی کے باوجود میرین ضوابط کی خلاف ورزی کرنے والے 2 آئل ٹینکروں کو نشانہ بنا کر روک دیا ہے۔ پاسدارانِ انقلاب کے مطابق اس کارروائی کے بعد علاقے میں موجود 4 دیگر آئل ٹینکروں نے سیکیورٹی خدشات کے پیشِ نظر فوری طور پر اپنا راستہ تبدیل کیا اور اپنی سابقہ پوزیشنوں کی طرف واپس لوٹ گئے۔ خلیجی خطے اور عالمی بحری گزرگاہ میں کشیدگی کے باعث پیٹرولیم مصنوعات کی بین الاقوامی ترسیل اور بحری نقل و حرکت شدید متاثر ہونے کا اندیشہ پیدا ہو گیا ہے۔