دہشت گردوں سے بات چیت کی گنجائش نہیں، ہتھیار ڈال دیں ورنہ ختم کر دیئے جائیں گے: پاک فوج

پاک فوج کے شعبہ تعلقاتِ عامہ (ISPR) کے ڈائریکٹر جنرل لیفٹیننٹ جنرل احمد شریف چوہدری نے سیکیورٹی صورتِ حال پر پریس کانفرنس کرتے ہوئے واضح کیا ہے کہ دہشت گردوں سے مذاکرات کی کوئی گنجائش نہیں، وہ بلا مشروط ہتھیار ڈال دیں ورنہ انہیں مکمل ختم کر دیا جائے گا۔ انہوں نے بتایا کہ انٹیلی جنس بیسڈ آپریشنز کے دوران سیکورٹی فورسز نے مجموعی طور پر 40,348 آپریشنز کیے، جن میں بلوچستان میں 31,080 اور خیبر پختونخوا میں 7,177 آپریشنز شامل ہیں، جبکہ 2,084 دہشت گردوں کو جہنم واصل کیا گیا۔ اس دوران 819 جری جوانوں اور 322 شہریوں نے جامِ شہادت نوش کیا۔ ڈی جی آئی ایس پی آر نے انکشاف کیا کہ سال 2026 میں ہونے والے 28 بم دھماکوں میں زیادہ تر افغان شہری ملوث تھے اور افغان طالبان رجیم ان کی پشت پناہی کر رہی ہے۔ انہوں نے آئین کے آرٹیکل 5 کا حوالہ دیتے ہوئے کہا کہ وفاداری صرف ریاستِ پاکستان سے ہوگی اور ریاست کے سامنے کسی بھی قسم کی شرپسندی برداشت نہیں کی جائے گی۔