پی آئی اے کے ملازمین کو برخاست نہیں کریں گے، کارکردگی پر فیصلہ ہوگا: عارف حبیب

معروف بزنس مین عارف حبیب نے واضح کیا ہے کہ پاکستان انٹرنیشنل ایئر لائن (پی آئی اے) کے ملازمین کو برطرف نہیں کیا جائے گا اور ایک سال بعد کارکردگی کی بنیاد پر فیصلے کیے جائیں گے۔ شہر قائد میں ایک اہم بیٹھک کے دوران پی آئی اے کے مستقبل پر گفتگو کرتے ہوئے انہوں نے کہا کہ قومی ایئر لائن کی کامیاب بولی میں حکومتی اصلاحات نے کلیدی کردار ادا کیا۔

عارف حبیب کے مطابق شرح سود میں کمی، روپے کی قدر میں بہتری اور پیٹرولیم مصنوعات کی قیمتوں میں کمی نے پی آئی اے کی نجکاری کو ممکن بنایا۔ انہوں نے کہا کہ فوجی فرٹیلائزر کے ساتھ پارٹنرشپ سے نہ صرف کنسورشیم بلکہ پی آئی اے بھی مضبوط ہو گی۔

انہوں نے بتایا کہ پی آئی اے کے 32 طیاروں میں سے 17 اس وقت آپریشنل ہیں جبکہ باقی طیاروں کو فوری طور پر قابلِ استعمال بنایا جائے گا، اور مستقبل میں فلائٹ آپریشن 38 جہازوں پر مشتمل ہوگا۔